आभासी प्रणालीच्या माध्यमातून जागतिक महिला दिन साजरा.

 

तर कधी बहीण म्हणून रागवते.

कधी आईच्या रूपाने देवाचे दर्शनही घडवते

तर कधी मुलगी म्हणून आई एवढेच प्रेम देते.

 

 

सोमवार दि. २२/०२/२०२१ ते सोमवार दि.८/०३/२०२१ या कालावधीत जागतिक महिला दिन पंधरवडा साजरा करण्याचे शासनस्तरावरील पत्रकान्वये कृतीकार्यक्रम निश्चित करण्यात आला होता . विविध क्षेत्रांत आपल्या भरीव कामगिरीने ठसा उमटवलेल्या कर्तृत्ववान महिलांची ओळख व त्यांच्या उल्लेखनीय व उत्कृष्ट कार्याची माहिती विद्यार्थ्यांना व समाजाला व्हावी आणि त्यापासून सर्वांना प्रेरणा व स्फूर्ती मिळावी या उद्देशाने तसेच त्यांच्या प्रती सन्मान ,आदर ,आणि प्रेम व्यक्त करण्याच्या भावनेने आमच्या शाळेत जागतिक महिला दिन पंधरावडा अंतर्गत विविध उपक्रम आयोजित करण्यात आले होते.

 

इयत्ता १ ली ते ७ वी साठी मुलींसाठी वेशभूषा स्पर्धा व मुलांसाठी कर्तबगार स्त्रियांविषयी वक्तृत्व स्पर्धांचे आयोजन करण्यात आले होते . त्याचप्रमाणे रांगोळी ,चित्रकला, निबंधलेखन,व एकपात्री अभिनय अशा विविध उपक्रमांचे आयोजन करण्यात आले होते .सदर उपक्रमांची प्रथम फेरी घेण्यात आली. उत्कृष्ट सादरीकरण करणारे निवडक विद्यार्थी प्रथम फेरीतून निवडण्यात आले व इतर उपक्रमांचे फोटो स्वरुपात संकलन करण्यात आले.