राष्ट्रीय शिक्षण संस्था डोंबिवली स्वामी विवेकानंद व्याख्यानमाला आणि पुरस्कार प्रदान समारंभ.

शनिवार ,दि.११ जानेवारी, २०२०

वक्त्या-सन्माननीय डॉ. सौ. ललिता दिपक नामजोशी.

विषय-स्वामी विवेकानंदांचा जीवनाभिमुख वेदांत...

      स्वामी विवेकानंद व्याख्यानमालेचे दुसरे पुष्प गुंफले ते प्रसिद्ध व्याख्यात्या संस्कृत च्या गाढ्या अभ्यासक डॉ. ललिता नामजोशी यांनी.त्यावेळी  त्या  बोलताना म्हणाल्या की संपूर्ण देश एका धाग्याने जोडून घेण्याची ऊर्मी प्रखर राष्ट्रवादी असणाऱ्या स्वामी विवेकानंदांनी आपल्याला दिली .नववेदांत मांडणाऱ्या स्वामी विवेकानंदांचा जीवनाभिमुख वेदांत सांगताना त्या पुढे म्हणाल्या की ,प्राचीन काळातील वेद, उपनिषदे ,भगवद्गीता यामधून सांगितलेले तत्त्वज्ञान स्वामीजींनी सोप्या भाषेत सांगितले .आपण आपली सर्व इंद्रिये बंद करून दृष्टी आत्म्याकडे वळवली तरच स्वतःचे ज्ञान होईल. देहबोध व आत्मबोध हे एकाच वेळी होत नाहीत त्यामुळे स्वामीजींचा वेदांत हा प्रथम जगाकडे पाठ फिरवून स्वतःमध्ये पाहयला शिकवतो .जगामध्ये भेदाभेद विसरून त्यामध्ये एकत्व पाहणे म्हणजे अद्वैत. स्वामींना जीवनाभिमुख वेदांता मध्ये सर्वप्राणिमात्रांची सेवा करणे .अहं भाव न बाळगता मुक्तीचा मार्ग स्वीकारणे जे काही.करायचे  ते स्वतःच्या मोक्षासाठी व जगाच्या हितासाठी करणे वेदांत आचरणात आणण्यासाठी दीनदलितांच्या सेवेचा कर्ममार्ग स्वीकारणे, भगवंताची उपासना करणे, सर्वांना शिक्षण देणे ,आरोग्य सुधारण्यास आरंभ करणे, आपल्या आदर्शांना आपल्या पातळीवर न आणता आपण त्यांच्या पातळी पर्यंत पोहोचणे आणि वेदान्ताचे तत्वज्ञान आचरणात आणून माझा देश परम वैभवाला कधी पोहोचेल याचा सातत्याने विचार करणे हेच अभिप्रेत होते .स्वामीजींच्या या जीवन विषयक विचारांना आत्मचिंतनाची बैठक घेऊन डॉ. ललित जोशींनी श्रोत्यांना विचारमग्न केले.

     कार्यक्रमाप्रसंगी व्यासपीठावर संस्थेचे अध्यक्ष डॉ. सुभाष वाघमारे, उपाध्यक्ष श्री विलास जोशी , कार्यवाह डॉ. दीपक कुलकर्णी उपस्थित होते. ईशस्तवन स्वामी विवेकानंद विद्यामंदिर विष्णुनगर प्राथमिकच्या विद्यार्थ्यांनी तर स्वागत गीत अरुणोदय माध्यमिक च्या विद्यार्थ्यांनी केले. वक्त्यांचा परिचय डॉ. प्रकाश करमरकर तर आभार डॉ. सरोज कुलकर्णी या संस्था सदस्यांनी केले. संपूर्ण कार्यक्रमाचे सूत्रसंचालन विष्णुनगर माध्यमिक शाळेच्या सौ रेखा गढरी यांनी केले. तर कार्यक्रमाची सांगता विष्णुनगर शाळेच्या वैभवी आंबेकर हिने गायलेल्या वंदे मातरमने झाली.